ನನ್ನವರಿಗೆ
ತಿಂಡಿ ತಿನ್ನುವಾಗ
ಊಟ ಮಾಡುವಾಗಲೂ
ಅದರೊಂದಿಗೇ ಮಾತು
ಮಾತು...
ಮಾತು...
ಹೇಳುವೆ ಆಗ, ನಾನೂ ಮೊಬೈಲು ಆಗಬೇಕಿತ್ತು!
ನಿಮ್ಮ ಕಿಸೆಯೊಳಗೆ,
ಕೈಯೊಳಗೆ
ಮತ್ತು ಕಿವಿಯ ಬಳಿ
ಇರಬಹುದಿತ್ತು
ಯಾವತ್ತೂ!!

                            -ಶ್ರೀಮತಿ ಮಲ್ಲಿಕಾ ಜೆ. ರೈ

Photo Credit: clipart-library.com

೧. ಅಡ್ಡಿಗಳ ಎದುರಿಸು
ಬೆಳೆಗಳಿಗೆ ಬಹುವಾಗಿ ರೋಗ ಬಾಧಿಪುದು
ಬೆಳೆಯದ ಕಳೆಗಳಿಗೆ ರೋಗಗಳು ಬರದು
ಇದು ಪ್ರಕೃತಿಯಲಿ ಕಾಣುವ ನಿತ್ಯ ಸತ್ಯ
ಬದುಕಿನ ಸವಾಲುಗಳನೆದುರಿಸುವುದಗತ್ಯ

೨. ಸಾಸಿವೆಯಲ್ಲಿ ಸಾಗರ
ಬಾಲ ಕೃಷ್ಣನ ತೆರೆದ ಪುಟ್ಟ ಬಾಯಿಯಲ್ಲಿ
ತಾಯಿ ಯಶೋದೆ ಕಂಡಳು ಬ್ರಹ್ಮಾಂಡವೆಲ್ಲ
ಆಯ್ದ ಚೊಕ್ಕ ನಾಲ್ಕೇ ನಾಲ್ಕು ಸಾಲುಗಳಲ್ಲಿ
ಸಾಗರದರ್ಥವಿದೆ, ಚುಟುಕ ಸಾಸಿವೆಯಲ್ಲಿ.

೩. ಏಕಾಂಗಿ
ಬಂದದ್ದು ಏಕಾಂಗಿ
ಹೋಗುವುದು ಒಬ್ಬಂಟಿಯಾಗಿ
ನಡುವೆ ಬಂದು ಹೋಗಿ
ಮರೆಯಾಗುವರು, ಚಿಂತೆ, ಏಕಾಗಿ?

೪.ಪರಸ್ಪರ ಗೌರವಿಸಿ
ಕವಿಗೆ ಕವಿ ಮುನಿವಂ
ಮಾತು ಮರೆಯಾಗಿ ಕವಿಗೆ
ಕವಿ ಪ್ರೀತಿ ತೋರುವಂ
ಮೆಚ್ಚುವಂ ಆದರೆ ಹೇಗೆ?

೫. ಗುಬ್ಬಿ ಎಲ್ಲಿ?
ಗುಬ್ಬಿ ಅವಸಾನದಂಚಿನಲ್ಲಿ
ಮರೆಯಾದರೂ ಕಾಣಬಹುದು ಚಿತ್ರದಲ್ಲಿ
ಅಜ್ಜಿಯ ಕಾಗಕ್ಕ ಗುಬ್ಬಕ್ಕ ಕಥೆಯಲ್ಲಿ
ಗುಬ್ಬೀ ... ಗುಬ್ಬೀ ...
ನೀನೆಲ್ಲಿರುವೆ ಸುಬ್ಬೀ ಸುಬ್ಬೀ ?
ನೀನಳಿವಿನಂಚನ್ನು ತಬ್ಬಿ!

೬. ಚಳಿ ಮಾಯ
ಕರಾವಳಿಯಲ್ಲಿ
ನಿನ್ನೆ ಮೊನ್ನೆ ವರೆಗೆ ಇದ್ದ
ಕಚಗುಳಿಯಿಡುತ್ತಿದ್ದ
ಚಳಿ ಎಲ್ಲಿ?
ಬೆವರಿನ ಓಳಿ
ಮಾಮೂಲು ಸುರುವಾಯಿತಿಲ್ಲಿ
ಇದ್ದಿದ್ದರೆ ಚಳಿ
ಇದ್ದೇ ಇದೆಯಲ್ಲ ಕಂಬಳಿ
ಹಾಗೂ ನಲ್ಲೆಯ ಕೆನ್ನೆಯ ಗುಳಿ.

೭. ನನ್ನೊಳಗಿನ ಕತ್ತಲು
ನನ್ನೊಳಗಿನ ಕತ್ತಲನು ನೀಗು ಭಗವಂತ
ಎಂದು ನಾವು ಭಕ್ತಿಯಲಿ ಬೇಡಿದರೆ ಆತ
ತಮದಂಧಕಾರ ಕಳೆದು ದಾರಿ ತೋರಬಲ್ಲ
ಸುವಿಚಾರ ಅನುಸಂಧಾನ ಸವಿಯಬೆಲ್ಲ.

೮. ಗಾರುಡಿಗ
ದ.ರಾ.ಬೇಂದ್ರೆಯವರು ಶಬ್ದಗಳ ಗಾರುಡಿಗ
ಕಾವ್ಯ ಭಕ್ತರು ಇವರ ಸ್ಮರಣೆಯ ಆಗಾಗ
ಮಾಡುವರು, ಅವರು ಕಾವ್ಯ ರಸಋಷಿ
ಜಾನಪದ ಸೊಗಡಿನವರ ಕವನ ಓದಲು ಖುಷಿ.

                      -ಶ್ರೀ ಗುಣಾಜೆ ರಾಮಚಂದ್ರ ಭಟ್

ಗುಣಾಜೆ ಚಂದ್ರಮ - ೬ ನ್ನು ಓದಲು ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಚಂದ್ರಮ ೬

೧. ಕೊಂದ ಪಾಪ ತಿಂದು ಪರಿಹಾರ
ಜೀವ ಕೊಡಲರಿಯದವಗೆ ಕೊಲುವ
ಸಾವ ಅನ್ಯರಿಗೆ ತಂದು ರಕ್ತ ಚೆಲ್ಲುವ
ಹಕ್ಕಿಲ್ಲ, ಇದು ಸಲ್ಲ, ಕೊಂದವನ ಪಾಪ
ಅವನು ತಿಂದೇ ಸಿದ್ಧ, ಗೊತ್ತಿಲ್ಲವಗೆ ಪಾಪ!

೨. ಭಾಗವತರಿಗೆ ಶ್ರದ್ಧಾಂಜಲಿ
ಭಾಗವತ ಶ್ರೀಧರರಾಯರ ದೇಹವು
ಅಳಿದು ಹೋದರೂ ಅವರ ಕಂಚಿನ ಕಂಠವು
ಉಳಿದು ಕೇಳುವುದು ಶತಶತಮಾನ ಕಾಲ
ಅವರ ಸವಿ ನೆನಹು ತಂಪನೀವ ತರು ಆಲ.

೩. ಕವಿಗೆ ಪ್ರೀತಿಯ ಕರೆ
ಪ್ರಶಸ್ತಿ ಪ್ರಶಂಸೆಗಾಗಿ ಕವನ ಬರೆಯದಿರು
ಎಚ್ಚರದಿ ಮನಮೆಚ್ಚುವಂದದಿ ಬರೆಯುತಿರು
ನಿನ್ನ ರಚನೆಯಲಿದ್ದರೆ ಕಸುವದು ಚಿರಸ್ಥಾಯಿ
ಇಲ್ಲದಿರೆ ಕಳಚಿ ಉದುರುವ ಹೀಚು ಕಾಯಿ!

೪. ಹನಿಗವನ ಗೋಷ್ಠಿ
ಎಲ್ಲ ಕವಿಗಳು ಓದಿದರು ಅಂದು
ತಮ್ಮ ತಮ್ಮ ಮೂರು ಮೂರು ಹನಿ
ಕವನಗಳನ್ನು, ಉತ್ಸಾಹದಿಂದ ಬಂದು
ಮುಂದೆ ಕೂತಿದ್ದವರ ಮುಖದಲ್ಲಿ ಮೂಡಿತ್ತು ಹನಿ

೫. ಭತ್ತೆ-ಲತ್ತೆ

ಸರ್ಕಾರಿ ನೌಕರಿಗೆ ಸೇರಿದರೆ
ಬೆಲೆ ಏರಿಕೆ ಹೆಚ್ಚಾದರೆ
ಸಿಗುವುದು ತುಟ್ಟಿ ಭತ್ತೆ
ಕತ್ತೆಯ ಹಿಂದೆ ಹೋದರೆ
ಅದನು ಕೆಣಕಿದರೆ
ಕೂಡಲೇ ಸಿಗುವುದು ಲತ್ತೆ!

                             -ಗುಣಾಜೆ ರಾಮಚಂದ್ರ ಭಟ್

ಗುಣಾಜೆ ಚಂದ್ರಮ - ೫ ನ್ನು  ಓದಲು ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಚಂದ್ರಮ ೫

೧. ವಿಶ್ವಕೋಶ
ಕಾರಂತರು ಚಲಿಸುವ ವಿಶ್ವಕೋಶ
ಕಾಲಿಗೆ ಚಕ್ರವಿದ್ದಂತೆ ಸುತ್ತಿದರು ದೇಶ ವಿದೇಶ
ಅವರಿಳಿಹರೆಯದಲಿ ಕಾಣುತ್ತಿದ್ದರು ಸಿಂಹದಂತೆ
ಗೆಜ್ಜೆ ಕಟ್ಟಿ ಕುಣಿದರು ಕಾರಂತರು ನವಿಲಿನಂತೆ

೨. ಪತ್ರೊಡೆ
ಆಟಿಯಲ್ಲಿ ಮಾಡಿ ತಿನ್ನಿರುಚಿಯಾದ ಪತ್ರೊಡೆ
ಇದನ್ನಿಷ್ಟ ಪಟ್ಟು ತಿ೦ದರೆ ಹೊಟ್ಟೆಯಲಿರದು ಎಡೆ
ಇದರಲ್ಲಿ ಅಡಕವಾದ ಚೊಗಚಿ, ಕೆಸುವು
ದೇಹದ ವಿಷವ ತೆಗೆದು ಕೊಡುವುದು ಕಸುವು

೩. ಎಚ್ಚರ
ಬದುಕು ಕಟ್ಟಲು ಕಷ್ಟ
ಸುಖ ದುಃಖ ಬಂದು-
ಹೋಗುವುದು ದಿಟ
ಬದುಕು ನಶ್ವರ
ಇರಲಿ ನಿಚ್ಚ, ಎಚ್ಚರ

೪. ವರ್ಷ-ಹರ್ಷ
ಆಟಿ ತಿಂಗಳಲ್ಲಿ ಬಾರದೇ ಇದ್ದ ವರ್ಷ
ಸೋಣೆಯಲ್ಲಿ ಭರದಿಂದ ಬರುವುದು ಹರ್ಷ
ಒಂದೊಂದೇ ಇನಿ ಹನಿ ಮಣ್ಣಲ್ಲಿ ಇಂಗಲಿ
ಬುವಿಯಾಳಕಿಳಿದು ಅಂತರ್ಜಲ ತುಂಬಲಿ

೫. ಆಟಿಕಳೆಂಜ
ಆಟಿಯಲ್ಲಿ ಬರುವನು ಮನೆಗೆ ಆಟಿಕಳೆಂಜ
ಪನೆಕೊಡೆ ಹಿಡಿದು ತೆಂಬರೆಯ ಬಡಿತಕ್ಕೆ
ಹೆಜ್ಜೆಹಾಕಿ ಕುಣಿದು ರೋಗಗಳ ಕಳೆವ, ನಿಜ
ಇಂಥದು ಕಾಣೆಯಾಗಿ ಸೇರದಿದ್ರೆ ಸಾಕಿತಿಹಾಸಕ್ಕೆ!

                               -ಗುಣಾಜೆ ರಾಮಚಂದ್ರ ಭಟ್

ಗುಣಾಜೆ ಚಂದ್ರಮ - ೪ ನ್ನು  ಓದಲು ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಚಂದ್ರಮ ೪

೧. ಅಸಿ-ಮಸಿ-ಕೃಷಿ
ನಮ್ಮ ನೆಮ್ಮದಿಗೆ ಬೇಕು ಅಸಿ-ಮಸಿ-ಕೃಷಿ
ಅಸಿ ಎಂದರೆ ಯುದ್ಧ ಎಂದರೆ ಯೋಧರು
ಮಸಿ ಎಂದರೆ ಸಾಹಿತ್ಯ, ಸೃಜಿಪ ಕವಿ ರಸಋಷಿ
ಕೃಷಿಕರು ಮಣ್ಣಿನ ಮಕ್ಕಳು, ಅನ್ನದಾತರು
ಈ ಮೂವರು ಸರ್ವಸ್ವ, ಬದುಕಿನ ಉಸಿರು.

೨. ಭಾಷಾ ಪ್ರೇಮ
ಸಂಸ್ಕೃತದ ಮಂತ್ರಗಳನು
ಕನ್ನಡದಲಿ ಹೇಳುವವರು
ಆಡುವರು ಪ್ರಾಸಬದ್ಧ ಮಾತುಗಳನು
ಮನೆ ಮಾತು ತಮಿಳು, ಆದರೂ
ಅನ್ನ ನೀಡಿದ ಕನ್ನಡ ವನು
ತು೦ಬಾ ಮೆಚ್ಚಿ ಗೌರವಿಸುವರು
ಅಹಂ ಇನಿತು ತೋರದವರು
ಕಾವ್ಯಗಳ ಸಾಲುಗಳ ಉದ್ಧರಿಸುವವರು
ಬಲ್ಲಿರೇನು? ಇವರು ಯಾರು?
ಹಿರೇಮಗಳೂರ, ಕಣ್ಣನ್ ಅವರು .

೩. ಸೊಳ್ಳೆ
ಮಳೆಗಾಲದಲ್ಲಿ ಎಲ್ಲೆಲ್ಲೂ ಸೊಳ್ಳೆಗಳ ಸಂತಾನ
ಸಂಜೆ ಆಯಿತೆಂದರೆ ಅದರ ಸಂಗೀತಾಲಾಪನೆ
ಕಚ್ಚಿದರೆ ಮಲೇರಿಯಾ ಡೆಂಗ್ಯುರೋಗ ಪ್ರದಾನ
ಶಸ್ತ್ರಗಳೆಷ್ಟಿದ್ದರೂ ಕಷ್ಟ ಈ ಪೀಡೆಯ ನಿರ್ಮೂಲನೆ.

೪. ಉನ್ಮಾದ
ಭಾರತ ಪಾಕ್ ಕ್ರಿಕೆಟ್ ಪಂದ್ಯ ಸುರು ಆದರೆ
ಎರಡೂ ದೇಶಗಳಲ್ಲಿ ಭಾರೀ ಯುದ್ಧದುನ್ಮಾದ
ಕ್ರಿಕೆಟ್ಟು ಹತ್ತರೊಟ್ಟಿಗೊಂದು ಕ್ರೀಡೆ, ಇದನರಿತರೆ
ಸೋಲು ಗೆಲುವುಗಳಿಂದಾಗದು ಪ್ರಮಾದ.

೫. ಪ್ರಾಣಾಯಾಮ
ಪ್ರತಿನಿತ್ಯ ಮಾಡಿ ಯೋಗ, ಪ್ರಾಣಾಯಾಮ
ಇದರಿಂದ ನಮ್ಮ ಬದುಕಾಗುವುದು ಆರಾಮ
ಬೇಡವೇ ಬೇಡ ಕ್ಲೇಶ ಶೇಷ ವಿಷಮ ವಿರಸ
ಬೇಕು ಈ ಜಂಜಾಟದ ಬದುಕಿನಲಿ ಸರಸ.

೧. ಚುಟುಕ
ಬರೆವೆ ದಿನಾ ಕೆಲವು ಚುಟುಕ
ಅದರಲಿರಬಹುದು ಎರಡು ಕಾಳು
ಚುಟುಕ ಹನಿ ಸವಿಯಿರಿ ಗುಟುಕ ಗುಟುಕ
ಎಸೆದು ಹಾರಿಬಿಡಿ, ಜಳ್ಳು ಟೊಳ್ಳು, ಹಾಳು.

೨. ಮುತ್ತಿನ ಹನಿ
ಮಳೆಯ ಮುತ್ತಿನ ಹನಿಗಳು
ಕೆಸುವಿನೆಲೆ ಮೇಲಿನ ಮಣಿಗಳು
ಕಂಗೊಳಿಸಲು ಉಲ್ಲಾಸವು
ಶುರುವಾಗಿದೆ, ಮಳೆಗಾಲವು!

೩. ಕಸದ ಬುಟ್ಟಿ
ಕೆಲವು ವ್ಯಾಟ್ಸಪ್ ಈಗ ಬರಿಯ ಕ.ಬುಟ್ಟಿ
ಬಂದದ್ದೇ ಬಂದುದರ ನೋಡಿ ಸಾಕಾಗಿ
ದಿನಾ ಅವನೀಗ ಒರೆಸಿ ಗುಡಿಸಿ ಬಿಡುವೆನಟ್ಟಿ
ವ್ಯಾಟ್ಸಪ್ಪಲಿ ಸೃಜನ ಸಾಹಿತ್ಯ ಬರಲಿ ಸಾಗಿ.

೪. ಬೇಂದ್ರೆ
ದ.ರಾ.ಬೇಂದ್ರೆಯವರ ಮನಸು
ಎಷ್ಟು ಮೆದು ಮಧುರವು, ಸೊಗಸು
ಇಂಥವರಿಂದು ಬಹು ವಿರಳಾತಿ ವಿರಳ
ಬೆ೦ದು ಹದವಾದ ಬೇಂದ್ರೆ ಹೃದಯ ಸರಳ.

೫. ಮದುವೆ
ಮದುವೆ ಮದುವೆ
ನೀನು ಮುದವ ತರುವೆ
ಎರಡು ಮನಮನೆಗಳನು
ನೀನು ಬೆಸೆಯುವೆ.

                              -ಗುಣಾಜೆ ರಾಮಚಂದ್ರ ಭಟ್

ಗುಣಾಜೆ ಚಂದ್ರಮ - ೧ ನ್ನು ಓದಲು ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಚಂದ್ರಮ ೧

೧. ಕವಿ