ಮೋದಕಪ್ರಿಯ ಗಣಪನೇ


ಗಣಪತಿಸ್ತುತಿ - ೧
ರಚನೆ: ದಿವಾಣ ದುರ್ಗಾಪ್ರಸಾದ್ ಭಟ್
ಯಮುನಾಕಲ್ಯಾಣಿ - ತ್ರಿವುಡೆತಾಳ
ರಾಗ: ಸಿಂಧೂಭೈರವಿ

ನೀಡು ಸನ್ಮತಿ ದೇವಗಣಪತಿ
ಬೇಡುವೆನು ವರದಾತನೇ
ಮಾಡುತಾರ್ಚನೆ ನಿನ್ನ ಸೇವನೆ
ಪಾಡುವೆನು ಗಜವದನನೇ ||

ಏಕದಂತನೆ ವಕ್ರತುಂಡನೆ
ಸ್ವೀಕರಿಸು ನೈವೇದ್ಯವಾ
ಪಾಕಭಕ್ಷ್ಯಗಳನ್ನು ಭುಂಜಿಸಿ
ಲೋಕವನು ಪೊರೆ ಬಾಂಧವಾ ||

ಭಾವರಾಗದಿ ಭಜಿಪೆನನುದಿನ
ದೇವವಂದ್ಯನೆ ಹರಸು ಬಾ
ಹೂವಮಾಲೆಯ ಸಿಂಗರಿಸುತಲಿ
ಸೇವೆಗೈವೆನು ಸಲಹು ಬಾ ||

ಆದಿಪೂಜಿತ ವಿಘ್ನನಾಶಕ
ಮೋದಕಪ್ರಿಯ ಗಣಪನೇ
ವೇದಮೂರುತಿ ನಾದಕೀರುತಿ
ಖೇದವನು ಕಳೆ ದೇವನೇ ||

ಭುವನಪತಿ ಗಜವಕ್ತ್ರರೂಪನೆ
ಬವಣೆಯನು ಕಳೆ ಸುಮುಖನೇ
ಪವಣಿಸುವ ಶ್ರೀಸುತನ ಭಕುತಿಗೆ 
ಅವತರಿಸಿ ಬಾ ಸುಗುಣನೇ ||

-ಶ್ರೀಸುತ

ಚಿತ್ರಕಲೆ: ಗಣೇಶ ಆಚಾರ್ಯ ಗುಂಪಲಾಜೆ




Please share and support me

8 comments:

  1. ಗಣಪತಿ ಸ್ತುತಿ ಚೆನ್ನಾಗಿದೆ.

    ReplyDelete
    Replies
    1. ಧನ್ಯವಾದಗಳು ಅನ್ನಪೂರ್ಣ ಅವರೇ

      Delete
  2. ರಾಜಲಕ್ಷ್ಮಿ6/22/17, 6:07 PM

    ಮೋದಕ ಪ್ರಿಯ ಗಣಪನೇ.... ಬಹಳ ಚೆನ್ನಾಗಿ ಬರೆದಿದ್ದೀರಿ....

    ReplyDelete
    Replies
    1. ಧನ್ಯವಾದಗಳು ಲಕ್ಷ್ಮಿ ಮೇಡಮ್...

      Delete
  3. ಮೋದಕ ಪ್ರಿಯ ಗಣಪನೇ..... ಪದಗೋಳು ಸೂಪ್ಪರ್...

    ReplyDelete
  4. ಮೋದಕ ಪ್ರಿಯ ಗಣಪನೇ..... ಪದಗೋಳು ಸೂಪ್ಪರ್...

    ReplyDelete

ನಿಮ್ಮ ಅನಿಸಿಕೆಗಳು ಅತ್ಯಮೂಲ್ಯವಾಗಿದ್ದು ಅಭಿಪ್ರಾಯಗಳನ್ನು Comment Box ನಲ್ಲಿ ಬರೆದು ಪ್ರೋತ್ಸಾಹಿಸಿ. Do not spam.