ದರ್ಪಣ - ಬಿಂಬ ೧


ದರ್ಪಣ ೧ - ಬಿರಿದ ಕನಸು
ಕನಸುಗಳು ನೂರಾರು
ಎದೆಯಲ್ಲಿ ಮುಚ್ಚಿಟ್ಟಂತೆ
ಕಣ್ಣು ತೆರೆದಾಗ ಎದೆಯೇ
ಬಿಚ್ಚಿ ಬಿರಿಯುತಿದೆ

ದರ್ಪಣ ೨ - ಮುನಿಸು
ಬಾರೆ ಓ ಎನ್ನ ಕೋಮಲೆ
ಯಾಕೆ ಹೀಗೆ ದುರುಗುಡುತಿ
ಮುನಿಸು ತರವಲ್ಲ ಬಾಲೆ
ಎಂದಿದರ ಕೊನೆ ಮಾಡುತಿ?

ದರ್ಪಣ ೩ - ಶೂನ್ಯ
ಹೇಳುತ್ತಿದ್ದೆ ಅಂದು
ಪ್ರಪಂಚವೇ ಶೂನ್ಯ
ಯಾಕೆ ಗೊತ್ತಾ?
ನನ್ನ ಅಂಕಪಟ್ಟಿಯಲ್ಲಿ
ಪ್ರತೀಬಾರಿ
ಅದನ್ನೇ ಕಾಣುತ್ತಿದ್ದೆ!!!

ದರ್ಪಣ ೪ - ನೆನಪು
ಬೇಸರದ ಕಟ್ಟೆ ಒಡೆದು
ನೇಸರನೂ ಮರೆಯಾದಾಗ
ಆಸರೆಯಿಲ್ಲದ ಭಾವಕೆ
ಉಸಿರುಗಟ್ಟಿದ ಬದುಕು;
ಮೆಲುಕು ಹಾಕಿದಷ್ಟೂ
ಸಾವಿನ ನೆನಪು.

ದರ್ಪಣ ೫ - ಜೀವನ
ಮುಚ್ಚಿಟ್ಟ ಸತ್ಯ
ಅಸತ್ಯಗಳ ಬೇಲಿಯನ್ನು
ಹಾರಿ ಬರುವ ಹಕ್ಕಿಯೊಂದು
ಮೈಮುದುಡಿ ಹೇಳಿತು-
ನನಗೆ ಕರುಣೆಯಿದೆ
ಆದರೆ ತೋರಲಾರೆ;
ಇದು ಪ್ರಸ್ತುತ ಜೀವನ.

                                    -ಶ್ರೀಸುತ

Photo Credit: marksandspencer

Please share and support me

4 comments:

  1. ಒಳ್ಳೆಯ ಪ್ರಯತ್ನ. ಶುಭವಾಗಲಿ.

    ReplyDelete
    Replies
    1. ಧನ್ಯವಾದಗಳು ರಾಮಚಂದ್ರ ಹೆಗಡೆಯವರೇ... ನಿಮ್ಮ ಸಹಕಾರ ಅತ್ಯಮೂಲ್ಯ...

      Delete

ನಿಮ್ಮ ಅನಿಸಿಕೆಗಳು ಅತ್ಯಮೂಲ್ಯವಾಗಿದ್ದು ಅಭಿಪ್ರಾಯಗಳನ್ನು Comment Box ನಲ್ಲಿ ಬರೆದು ಪ್ರೋತ್ಸಾಹಿಸಿ. Do not spam.