ಭಾವಗೀತೆ ೩ - ಜೀವವೀಣೆ

ಎನ್ನ ಜೀವದ ವೀಣೆ ನಿನ್ನ ಒಲವಿಗೆ ಮಿಡಿದು
ಕಾಣುತಿಹುದು ನಿನ್ನ ಕನಸು
ಮನಸಿನ ಭಾವದಲಿ ನಿನ್ನ ಕಾಣುವ ಪರಿಯು
ಮನಸಲೇ ಮೂಡಿಹುದು ನಿನ್ನ ಕನಸು

ನಿನ್ನ ಚೆಲುವಿನ ಪರಿಗೆ ನನ್ನ ನಾ ಮರೆತಿರುವೆ
ಹೃದಯದಲಿ ನಿನ್ನೊಲವು ಮಿಡಿಯುತಿಹುದು
ಯಾವ ವೃಂದಾವನದ ಕುಸುಮ ಕನ್ನಿಕೆ ನೀನು
ಹೂವಂತೆ ಅರಳುತಿದೆ ನಿನ್ನ ಕನಸು

ನೀ ಮುರಿದ ಒಲವಿನಲಿ ನನ್ನ ಚೇತನ ಕುಸಿದು
ಹೂವು ಬಾಡಿತು ನೋಡು ನಿನ್ನ ನುಡಿಗೆ
ನನ್ನ ಆಸೆಗಳೆಲ್ಲಾ ಚಿತ್ತ ಕಲ್ಪನೆಯಂತೆ
ನೋವನ್ನೆ ಕಾಣುತಿದೆ ನನ್ನ ಕನಸು