೧. ಗೋ ಭಾರತ
ಗೋವಿಲ್ಲದ ಭಾರತ ಶವ ಸಮಾನ
ಗೋಯುಕ್ತ ಭಾರತ ಶಕ್ತ, ಶಿವಸಮಾನ
ದೇಸಿ ಹಸುವಿನ ಹಾಲು, ಅಮೃತ ಪಾನ
ಗೋಗಳಲಿಹ ಕೋಟ್ಯಂತರ ದೇವಗೆ ನಮನ.

೨. ಸಂಕ್ರಮಣ
ಇಂದು ಆಟಿ ಸಂಕ್ರಮಣ...
ಇದು, ವರ್ಷ ಋತು, ಶ್ರಾವಣ...
ಆಟಿ ಅಮಾವಾಸ್ಯೆ ನಾಗರ ಪಂಚಮಿ...
ಬಂದ ನಂತ್ರ ಸುರು, ಹಬ್ಬಗಳ ದಿಬ್ಬಣ...

೩. ಶತಮಾನದ ಅಡಿಗ
ಯುಗದ ಕವಿ ನವ್ಯ ಕಾವ್ಯದ ಹರಿಕಾರ
ಮೊಗೇರಿ ಗೋಪಾಲಕೃಷ್ಣ ಅಡಿಗರ
ಜನ್ಮಶತಮಾನೋತ್ಸವ ಈ ವರುಷ
ಅವರ ಚೆಂಡೆಮದ್ದಳೆ ಓದಿದರೆ ಹರುಷ!

೪. ಅಡಿಗರ ಪಾದದಡಿಗೆ
ಅಡಿಗಡಿಗೆ ನೆನಪಾಗುವ ಅಡಿಗರು
ಒಂದು ಜನಾಂಗದ ಕಣ್ಣು ತೆರೆಸಿದ ಕವಿ
ಅವರಿದ್ದಿದ್ದರೆ ಈಗ ವರುಷ ನೂರು
ಅವರ ಒಂದೊಂದು ನೆನಪು ಈಗ ಸವಿ

೫. ಆಟಿ ಕಷಾಯ
ಆಟಿ ಅಮಾವಾಸ್ಯೆಯಂದು ಕುಡಿಯಬೇಕು
ಪಾಲೆಮರದ ಕೆತ್ತೆಯ ಕಹಿ ಕಷಾಯವನ್ನು
ಇದರಿಂದ ಪಡೆಯಿರಿ ರೋಗ ನಿರೋಧ ಶಕ್ತಿಯನ್ನು
ಕಷಾಯಕ್ಕಾಗಿ ನೆಟ್ಟು ಬೆಳೆಸಿ ಹಾಲೆ ಮರವನ್ನು