ಕಾಡುವ ನೆನಪುಗಳು


ದಿಬ್ಬಣದ ಸಾಲಿನಂತೆ
ಸಾಗುತಿದೆ ನೆನಪುಗಳು
ಮನವೆಂಬ ಪುಟದಲ್ಲಿ
ಅಚ್ಚಳಿಯದ ನೆನಪುಗಳು.
ಮಾತಾಗದ ಮಾತುಗಳು
ಹೇಳಲಾಗದ ಮಾತುಗಳು
ಮೌನದೊಳಗೆ ಮಾತಾಗಿ
ಮೌನಕೂ ಭಾರವಾಗುವ
ನೂರೆಂಟು ನೆನಪುಗಳು.
ಏಕಾಂತ ಬಯಸಿ ಬಂದರಿಲ್ಲಿ
ಸಾಗರದ ಅಲೆಯಂತೆ
ಸುಳಿದೇಳುತಿರುವ ನೆನಪು
ಮತ್ತೆ ಕಾಡುತಿದೆ ಮನವ.
ಹೊರಗೆಡವಲಾರದೆ ಒಳಗಿಳಿಸಿ
ಅರಗಿಸಲಾಗದೆ ಕ್ಷಣಕ್ಷಣವು
ರಣರಂಗವಾಗುತಿದೆ ಮನದಂಗಳವು.
ಉಲ್ಲಾಸದಿ ನಲಿಯಬೇಕೆಂಬ
ನನ್ನ ಮನದ ಬಯಕೆಗಳ
ಚಿವುಟಿ ಮೊಟಕಾಗಿಸುವಿರೇಕೆ
ಬಂದೇ ಬರುವಿರಾದರೆ ಬನ್ನಿ
ಉಲ್ಲಸಿತ ತಂಗಾಳಿಯಾಗಿ.

                             -ಅನ್ನಪೂರ್ಣ

ಚಿತ್ರವಿನ್ಯಾಸ: ಸತ್ಯ ಆಚಾರ್ಯ

Author image
About the Author
ಹೆಸರು:ಶ್ರೀಮತಿ ಅನ್ನಪೂರ್ಣ.
ಕಿದೂರು ಸಮೀಪದ ಬೆಜಪ್ಪೆ ನಿವಾಸಿಯಾದ ಶ್ರೀಮತಿ ಅನ್ನಪೂರ್ಣ ಇವರು ಸಾಹಿತ್ಯ ಪ್ರಿಯರಾಗಿದ್ದು ಬರವಣಿಗೆಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿದ್ದಾರೆ. ಹವ್ಯಾಸಿ ಬರಹಗಾರರಾಗಿ ಅನೇಕ ಕವಿತೆಗಳನ್ನು ಬರೆದಿದ್ದು ಅವರ ಬರಹಗಳನ್ನು ನಮ್ಮ ಜಾಲದಲ್ಲಿ ಓದಬಹುದು.

Please share and support me

3 comments:

ನಿಮ್ಮ ಅನಿಸಿಕೆಗಳು ಅತ್ಯಮೂಲ್ಯವಾಗಿದ್ದು ಅಭಿಪ್ರಾಯಗಳನ್ನು Comment Box ನಲ್ಲಿ ಬರೆದು ಪ್ರೋತ್ಸಾಹಿಸಿ. Do not spam.