ದರ್ಪಣ - ಬಿಂಬ ೨


ದರ್ಪಣ ೬ - ನಂಬುವವರಾರು?
ಕಂಡುದನ್ನು ಕಂಡಂತೆ
ಹೇಳುತ್ತೇನೆ ಕೇಳಿ-
ದ್ದನ್ನು ಕೇಳಿದಂತೆ
ಹೇಳುತ್ತೇನೆ ಎಂದರೆ
ನಂಬುವವರಾರು?
ಅದನ್ನೇ ಸುಳ್ಳು ಎಂಬರು
ಮೂರ್ಖ ಜಗತ್ತಿನಲ್ಲಿ.

ದರ್ಪಣ ೭ - ಪಂಜರ
ದೂಡಬೇಡಿ ನನ್ನನ್ನ
ಕಟು ಪಂಜರದೊಳಗೆ
ನಿಮ್ಮ ಹಿಂದೆಯೂ
ಇಹುದೊಂದು ಪಂಜರ
ಸೆಳೆವುದೊಂದೇ ಬಾಕಿ

ದರ್ಪಣ ೮ - ಒಂದೇ(?)
ನಾವೆಲ್ಲಾ ಒಂದೇ ಅಂದವರು
ನಾನು ನನ್ನದು
ನೀನು ನಿನ್ನದು
ಎಂದರು...
ಹೋಳಾಯಿತು.

ದರ್ಪಣ ೯ - ಮುದುವೆ ಲೈಫ್
ನಿನ್ನೆ ನಿಶ್ಚಿತಾರ್ಥ
ಇಂದು ಮದುವೆ
ನಾಳೆ ಹನಿಮೂನ್
ನಾಡಿದ್ದು ಜಗಳ
ಮಾರನೆ ದಿನ
ಅವರವರ ಮನೆಗೆ!!!

ದರ್ಪಣ ೧೦ - ????
ನಾನು ನಾನಾಗಿದ್ದಾಗ
ನೀನು ನೀನಾಗಿರಲಿಲ್ಲ
ನೀನು ನೀನಾಗುವ ವೇಳೆ
ನನ್ನಲ್ಲಿ ನಾನೇ ಇರಲಿಲ್ಲ.

                           -ಶ್ರೀಸುತ

Photo Credit: marksandspencer


ದರ್ಪಣ - ಬಿಂಬ ೧ ನ್ನು ಓದಲು ಈ ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಬಿಂಬ ೧


Please share and support me

2 comments:

ನಿಮ್ಮ ಅನಿಸಿಕೆಗಳು ಅತ್ಯಮೂಲ್ಯವಾಗಿದ್ದು ಅಭಿಪ್ರಾಯಗಳನ್ನು Comment Box ನಲ್ಲಿ ಬರೆದು ಪ್ರೋತ್ಸಾಹಿಸಿ. Do not spam.